«ЖАС САРБАЗДАР» АНТ ҚАБЫЛДАДЫ
«ЖАС САРБАЗДАР» АНТ ҚАБЫЛДАДЫ
Еліміздің Тәуелсіздігі мерекесі қарсаңында Өскемен қаласы әкімдігінің «Ахмер орта мектебі» КММ биылғы оқу жылындағы қосылған 5 «а», 5 «б» кадет сыныптары ант қабылдады. «Жас сарбаздар» сыныбы салтанатты мерекеге ерекше дайындықпен келіп, ант қабылдау рәсімі кезінде өздерін тәртіпке бағынған, нағыз елінің патриот азаматтары ретінде сезінді. Іс-шараға ата-аналар, әскери бөлім қызметшілері қатысып, «Жас сарбаздарды» құттықтады. Мектеп директоры Кадирова Айгуль Чуленбаевна жас қырандарға Отан қорғау үшін ең алдымен білім мен тәртіп керектігін, Отанға деген сүйіспеншілік керектігін айтып, оқушыларды жігерлендірді.
Еліміздің Туын көкке көтеретін, абыройын асқақтататын отансүйгіш жас ұландар қатары арта берсін!
Торпакова Динара Кенжебаевна-
директордың тәрбие жұмысы бойынша орынбасары
